Тазбаш

— шәп зат!

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size

Туйга, никахка котлау сүзләре (шигырьләр)

E-mail Принтерга pdf
(39 тавыш, уртача 3.38 )

Котлы булсын туегыз!

Яшь парларга бәхет яусын,

Тигез гомер итсеннәр.

Чөкердәшеп яши-яши,

Алтын туйга җитсеннәр.

 

Гомер буе икесе бер

Сукмактан атласыннар.

Бер-берсенә мәхәббәтне

Үлгәнче сакласыннар.

***

 

Зарыгып көткән туй көнегез килде,

Бар дөньяны гөлгә, нурга күмде.

 

Пар балдаклар балкый бәхет юрап,

Барыбыз да сокланабыз сезгә карап!

***

Котлы булсын туегыз,

Безгә үрнәк булыгыз!

Мәңге, мәңге бергә булсын

Тормыштагы юлыгыз!

***

Тәбрик итәбез сезне бу көн белән -

Бер-берегезгә якын булыгыз!

Озын гомер, сүнмәс бәхет белән

Яңа матур тормыш корыгыз!

***

Кияү кәләш идегез,

Ир дә хатын булдгыз.

Инде хәзер шушы хәлдә

Йөзгә кадәр торыгыз.

Үзегез күп ул-кызларга

Ата-ана булыгыз.

***

Пар килгәнсез, сезгә карап сокланабыз,

Һәммәбез дә сезнең өчен шатланабыз.

Яшәгез сез бер-берегезне яратып,

Бу җиһанга сөю нуры таратып!

 

Сез дөньяда иң матур пар!

Бигрәкләр пар килгәнсез,

Сокланмый мөмкин түгел!

Мәхәббәтегез нурыннан

Яктыра безнең күңел!

***

Бүгеннән башлап - гаилә,

Пар канат, пар сандугач!

Бишек җырлары сайрарсыз

Балаларыгыз тугач...

 

Ходай сезне тиң яраткан,

Бер-берегезгә караткан,

Сезгә бүген дөнья да тар,

Сез - җиһанда иң гүзәл пар!

 

Никахыгыз котлы булсын!

Тормыш дилбегәсен ныклы тотып,

Гомер буе бергә атлагыз.

Йөрәкләрдә булган сөю хисен,

Сүндермичә, мәңге саклагыз.

Бергә типсен һәрчак йөрәгегез,

Зур тормышка илтсен юл башы.

Кояш кебек түп-түгәрәк булсын,

Бәхетегез - гомер юлдашы.

 

Никаз көнегез котлы булсын!

Бүген сезнең язылышкан,

Никахлашкан көнегез,

Тантаналы бу мизгелнең

Кадерләрен белегез!

 

Бүген дөнья гаҗәп нурлы,

Елмаегыз, көлегез!

Бөтен дөнья бәйрәм итә,

Сезне котлый - күрегез!

 

Бүген сөю диңгезендә

Рәхәтләнеп йөзегез,

Мәрхәмәтле, бәрәкәтле,

Бүгенгедәй мәхәббәтле

Булсын һәрбер көнегез!

________________________

Искәрмә: Китерелгән котлаулар төрле котлау кагәзьләреннән алынды

 

Фикерләр   

 
+5 #1 Guest 2010-11-17 10:08
Бик матур шигырьләр язгансыз, мин үзем туйлар алып барам киләчәктә бу шигырьләрне дә кулланырмын алла бирса.
Администраторга хәбәр итү
 
 
0 #2 Guest 2011-01-10 15:13
Эйе бик матур шигырьлэр!!! :roll:
Администраторга хәбәр итү
 
 
-5 #3 Guest 2011-11-13 22:21
мик матур шигерләр
Администраторга хәбәр итү
 
 
+1 #4 Рөстәм 2014-04-18 14:08
яз турында юк
Администраторга хәбәр итү
 

Календарь

22 декабрь, якшәмбе
1906. Казанда беренче публик татар спектакле күрсәтелде
2 гыйнвар, пәнҗешәмбе
Яңа ел

Эзләү

Балачак - әниләр һәм бәбиләр сайты Татнет йолдызлары-2011 - интернет-проектлар бәйгесе
Сез монда: Котлаулар Котлау сүзләре Туйга, никахка котлау сүзләре (шигырьләр)